Tesãi ha Teko Porãve Motenondeha omombarete servicio odontológico tasyo Niños de Acosta Ñu-pe

Asunción, Agencia IP.- Tesãi ha Teko Porãve Motenondeha (MSPBS) omoñepyrũ peteĩ tenda pyahu servicio odontológico-pe g̃uarã tasyo Niños de Acosta Ñu-pe, ikatu hag̃uaicha oñangareko hetave tapichápe.

Ko moñepyrũ oiko kuri ko pyharevépe, ha omotenonde kuri Tesãi ha Teko Porãve Motenondehára, María Teresa Barán, ha avei ambue tendota kuéra pe tasyogua.

«Rovy’a hína ko árape. Ko tenda pyahu oipytyvõta umi tapicha ha mitãnguéra ikatupyry ambuéva», he’i Momba’apohára Odontología Tasyo Acosta Ñu rehegua, pohanohára Estela Maris Arévalo de Merlo.

Avei, hei ojejapóta upépe tratamiento cirugía ha odontología rehegua. «Roguereko peteĩ láser quirúrgico ha peteĩ terapéutico, oipytyvõ oñemboguata hag̃ua umi mba’asy ikatu ha’éva mucositis, tumor, cirugía menor ha ambue».

Pohanohára Arévalo he’i ikatu ojeipe’a turno servicio odontológico-pe g̃uarã ojehaíramo WhatsApp-pe 0982 370 680.

Ko tendápe oipytyvõ avei umi temimbo’e universidad-kuéra rehegua. «Umi temimbo’e UNA rehegua ou ko’ápe ha ombokuaapyhy omboguata hag̃ua umi káso hasyvéva», he’i pohanohára Arévalo.