Petropar ome’ẽ 318.000 lítro combustible ojegueraha hag̃ua y ypykuéra avarekoha Chákope

Agencia IP.- Pe séka oikóva Chákope rupi, heta ypykuéra avarekoha ndorekovéima y ikatúva hoy’u. Upévare, Tetã Rekuái omba’apo hína ogueraha hag̃ua pe y kamiõpe, ha umíva Petropar ome’ẽ chupekuéra combustible. Ko’ãga peve, oñeme’ẽma 318.000 lítro.

Ko’ã tembiapo oiko operativo JEROJA II ryepýpe, ha ambue institución ñane retãme opytyvõ ojegueraha hag̃ua y. Pe último grupo ohóva kuri ogueraha 305.000 lítro 21 kamiõpe, osẽvo Paraguaýpe táva Filadelfia, Puerto Pinasco ha Villa Hayes gotyo.

Motenondehára Defensa Nacional rehegua, General Óscar González, ome’ẽ hiaguyje tendota Petropar-gui, Eddie Jara. Omomba’e guasu ndorekoiha problema combustible-gui péva Petropar rupive, ha omomba’eguasúvo pe ñeha’ã opavave orekóva ojegueraha hag̃ua y Chaco gotyo.

Ko’ã mba’épe, ohechauka QMokõive operación Jeroja I ha Jeroja II, Petropar oipytyvõ ha ndoroguerekói problema combustible-ndi ko’ápe térã Cháko-pe, omopyenda haguére punto de expendio«, he’i kuri Defensa Nacional motenondehára.