MDS oipe’a Tekoporãgui peteĩ kuñakarai ojeikuaahaguére oipuru kuri peteĩ óga ndaha’éiva imba’e

Minga Porã, Agencia IP.- Ministerio de Desarrollo Social (MDS) ombokuaaka peteĩ káso oikóva Minga Porãme. Peteĩ kuñakarai okobráva’ekue Tekoporã ijapu kuri pe censista ohóva hendápe, ha oipuru peteĩ óga ndaha’éiva imba’e. Upévare, kuehe MDS oipe’a chugui ko beneficio.

Umi óga ykeregua odenuncia kuri Blanca Estela Portillo-pe, ha omombe’u hikuái ha’e ndoikotevẽi ko viru, hei’háicha umi requisito ojeike hag̃ua ko programa de protección social-pe.

Umi mba’apohára MDS-gua oho upépe oikuaave hag̃ua mba’épa oikóva, ha ohecha hikuái pe óga Blanca Portillo he’iha kuri imba’e ndaha’éiva. Upéva hóga ykeregua kuri, ha ojapo upéva oñeha’ãvo ojehechauka mboriahureko.

Upéi katu pe kuñakarai omobe’u voi ndaha’éiva imba’e, oipurúnte péa oike hag̃ua Tekoporãme. Ko’ág̃a, oñemboykéma chupe pe programa-gui, ha oñembotyka icuenta bancaria.

Heta jey, opáichagua evento tetã ryepýpe, motenondehára MDS-gua, Tadeo Rojas, he’i ko viru og̃uahẽ arã umi tapicha oikotevẽva añetehápe, péicha ojeruréva reglamento.

Dirección General de Asesoría Jurídica MDS-gua ohecháta mba’e acción legal ikatu ojejapo ko kásogui.