Mbo’esyry ary oúvape oñepyrũta 24 de febrero-pe, oikuaauka MEC

Agencia IP.- Ministerio de Educación y Ciencias (MEC) oikuaaka ko árape umi mboeha’o público, privado ha subvencionado ñane retã pukukuépe oñepyrũta mbo’esyry lunes 24 de febrero ary 2025-pe. Avei, oikuaaka hikuái opataha viernes 28 de noviembre-pe.

Umi mbo’ehao oñepyrũta oñeñatende lunes 10 de febrero-pe, ikatu hag̃uaicha oñematricula umi temimbo’e ha toike Registro Único del Estudiante (RUE) ryepýpe.

Avei, oñeme’ẽ arã autorización legal umi mitã ha mitãrusu toike hag̃ua Programa de Alimentación Hambre Cero-pe. Kóva oikóta martes 18 de febrero peve.

Lunes 10 guive viernes 21 peve umi temimbo’e ndohasapáiva ojapóta hína umi examen (ndaha’éiramo hikuái noveno grado ha tercer año-pegua).

Arapokõindy Marangatu ha arapytu’u araro’y rehegua

Arapokõindy Marangatu rire, oikótava jueves 17 ha viernes 18 de abril, oñendíta primera etapa 2025-gui, ha oikóta lunes 2 de junio guive 27 de junio peve.

Arapytu’u araro’y oñepyrũta 14 de julio guive 25 de julio peve. Upéi katu oñendíta segunda etapa lunes 17 de noviembre guive 28 de noviembre peve.

Umi mbo’ehára ha mba’apohára MEC mbo’ehaoguáva omba’apóta hikuái viernes 12 de diciembre peve.